Сашо Бајовски, 42 години, сопственик на Столарската работилница „Сашо“-Битола

"Јас сум Сашо Бајовски. Имам 42 години и ја работам најплеменитата работа на светот. Јас сум столар“ - гордо кажува човекот кој веќе 15 години изработува производи од дрво и иверица. „Го оплеменувам дрвото. Во мојата работилница заинтересираните можат да нарачаат секаков мебел по нивна желба и јас желбата ќе им ја исполнам. Можат да нарачаат и дрвена дограма, врати, прозорци. За квалитетот јас гарантирам.“

Марјан Милошевски, 26 год., сопственик на „Пикасу EM“ слаткара и пекара-Битола

„Никогаш во животот не мислев дека јас ќе бидам пекар. Јас не знав што е сукало, а не пак да месам леб или да направам торта. Сега сум, не само мајстор пекар и слаткар, туку и бизнисмен, сопственик на „ПИКАСУ“ слаткара и пекара“ ја започнува својата приказна 26-годишниот Марјан Милошевски од Битола, кој од пред 8 години, по завршувањето на средното земјоделско училиште, започнал да го изучува и да го усовршува слаткарско-пекарскиот занает. Маката го натерала на тоа, но не се жали. Напротив, презадоволен е.

„Во 2001 година, кога матурирав, во Битола почнаа масовно да се затвораат фабриките. Моите родители останаа на улица, без пари и јас почнав да барам работа за да си го финансирам школувањето.

Николина Ќелешовска, 23 год., диплoмиран економист - сметководство, финасии, ревизија, постдипломец на бизнис администрација МБА менаџмент

Како млад човек во Македонија може да започне сопствен бизнис и да прави пари, а при тоа да има само факултетска диплома и празна сметка. Во случајот со 23-годишната Николина, дипломиран економист, доволно е да се има јасна идеја што се сака и да се истражува - што е најпрофитабилно во дадениот момент во определеното место. „На интернет барав информации кои земјоделски производи се најбарани на пазарите во светот. Открив дека малината е дефицитарен производ кој светскиот пазар може да го прибере во неограничени количини, а во Македонија се произведуваат само на 4 хектари“ раскажува Николина.

Јасмина Мрсковска 24 год. , дипломец на Техничкиот факултет во Битола графички отсек – дизајн и мултимедија

Во работата на Јасмина најважна е креативноста. Мора да ја има во неограничени количини и мора да ја демонстрира на вистински начин. При тоа треба да знае да комуницира со луѓето кои се нејзини потенцијални бизнис клиенти. Треба да ги запознае, сослуша, да ги открие нивните желби и нив да ги преточи во готов производ – нешто по што ќе се препознаваат на пазарот. ,,Јас го креирам корпоративниот идентитет на една фирма. Или во превод – јас го изработувам логото на фирмата, името, заштитниот знак по кој таа ќе се препознава на пазарот“ кажува Јасмина. За неа е малку чудно што фирмите во Македонија во изминатиот период не посветувале многу внимание на нивниот корпоративен идентитет. ,,Сега работите се менуваат. Сега е нормално логото на една фирма да се смести на сите нејзини промотивни материјали, како меморандуми, плакати, брошури, визит-карти, пликови.

Андреј Маневски, 26 години и Сотир Грамосли, 27, дипломци на Техничкиот факултет во Битола, насока индустриски менаџмент

„Ние двајца се знаеме одамна, уште од студентските денови. Двајцата дипломиравме на Техничкиот факултет во Битола на насоката индустриски менаџмент. Заедно учествувавме на повеќе натпревари за бизнис-планови и имавме освоено први места. Но овде, на натпреварот на БСЦ Битола, влеговме со идеја не само да учествуваме и да победиме, туку конечно и да започнеме со наш, сопствен бизнис“. И започнаа.