 Во рамките на “Обуките за стекнување на бизнис вештини“ кои БСЦ Битола
редовно им ги овозможува на младите лица, а со покажаниот интерес за
нови и дополнителни обуки, БСЦ Битола организира дополнителен тренинг
модул на тема “COACHING“ - со обучувачот Виктор Куновски.
Во периодот од 27-29 октомври 2008 ќе се одржи тренинг на тема Коучинг.
Коучингот е метода која се разликува од предавањата или
интерактивниот тренинг по тоа што ги насочува тренираните искуствено
преку директно сопствено доживување (кое е различно за секого) да ги
постигнат саканите цели и резултати.
Коучингот е идеален слден чекор за подигање на работните перформанси
кај сите оние кои претходно имаат теоретско познавање и пракса на
одредена тематика и едноставно сакаат да ги максимизираат сопствените
потенцијали и перформанси.
Бенефициите од овие услуги се: подобри перформанси и продуктивност,
развој на вработените, подобрени човечки меѓуодноси, повеќе време за
менаџерите, зголемена креативност, подобрено искористување на луѓето и
ресурсите, зголемена мотивација.
Правецот на тренингот - коучингот е зависен од потребата на клиентот и што тој сака да подобри или постигне.
Улогата на коучот е едноставно да биде “алатка“ или насочувач - мотиватор на тимот кој го води до нивните сакани цели.
На овој модул меѓу другото учесниците имаат можност подетално да се запознаат со: значењето
на “коучингот“ како алатка за постигнување на целите; како да ги
обучувате Вашите вработени; како да се мотивирате; себеси или другите;
или како да ги развиете Вашите лидерски способности.
|
