Бизнис План Натпреварот им овозможува на учесниците својата идеа да ја преточат во оддржлив бизнис. На најдобрите Бизнис планови, избрани од официјална комисија, ќе им бидат овозможени следните услуги, зависно од нивните потреби: канцелариски простор за отпочнување на сопствен бизнис, регистрирање на претпријатието, консултантски услуги од локални и меѓународни експерти, како и обезбедување на микро кредити. 

Бизнис концепт

Со поднесување на БИЗНИС КОНЦЕПТ добивате можност за користење на бесплатни консултантски услуги од консултантите кои се во Нашата Дата база на советници и консултанти. Оние учесници од бизнис обуките кои посетувале 80 % од сите обуки во еден тренинг блок и чиј БИЗНИС КОНЦЕПТ е одобрен (потпишан) од минимум еден од тренерите на обуките добива можност за бесплатно лично советување, како би им се помогнало на учесниците да изготват целосен Бизнис План.

Бизнис План Натпревар

Во текот на оваа фаза од Вас се очекува да го развиете Вашиот Бизнис КОНЦЕПТ во целосен Бизнис План, се разбира со поддршка на Business Start-Up Centre-Bitola, преку организирани тренинг модули поврзани со изработка на Бизнис План, вклучувајќи обуки за менаџмент, финансирање, маркетинг, човечки ресурси и бесплатно лично советување (доставени Бизнис КОНЦЕПТИ). Бизнис плановите може да се развиваат поединечно или во група(максимум 5 членови). Официјалната комисија ќе ги избере најдобрите Бизнис планови.

Business Start-Up Centre-Bitola ќе им овозможи на победниците да ги реализираат своите Бизнис планови за да започнат сопствен Бизнис со бесплатно регистрирање на претпријатието, индивидуална консултација, микро кредитирање и инкубациски простор, во зависност од нивните потреби.