■ Business Start-Up Center - Bitola (BSC) ги поддржува младите лица до 35 годишна возраст во започнувањето на сопствени мали и средни претпријатија. За таа цел, основање на 10 нови претпријатија, BSC – Bitola организира Бизнис План Натпревар и тренинг курсеви наменети за постојаните и потенцијалните претприемачи.  

Секоја година, BSC – Bitola нуди индивидуални консултации, бесплатна регистрација, микро-кредити и Бизнис Инкубатор простор и други услови на новите претпријатија што ќе произлезат  од Бизнис План Натпреварот.

  ■ Јакнење на капацитетите од нашите партнери: BSC – Bitola го зајакнува капацитетот на нашите локални партнери и институции со поддржување на нивните напори за развивање и запознавање нови и иновативни менаџмент и информатички решенија, како и со поддршка на Универзитетот ″св. Климент Охридски″ - Битола во прилагодувањето на нивните програми кон Европските стандарди и промовирање на претприемачкиот дух во општеството. 

 ■ Заедно со другите BSC центри од регионот, BSC – Bitola исто така организира конференции и дебати, како во Холандија, така и низ другите земји на Европската Унија. 

 Овие настани ќе бидат наменети за лицата од бизнис заедницата, како и за официјалните владини и невладини лица, и ќе настојуваат да ја зголемат нивната свест кон темите и политиките кои влијаат во креирањето на започнувањето на бизнисите и во развојот на малите и средни претпријатија во Југоисточна Европа.  

■ BSC – Bitola исто така учествува во организирањето на регионални конференции низ Југоисточна Европа чија цел е разменување на искуства помеѓу Бизнис Центрите и Бизнис Инкубаторите (СЕНСИ), како би ги пренеле темите што ги засегаат прашањата во врска со претприемништвото, директно до официјалните владини претставници од земјите во регионот, како и на донаторите и претставниците на меѓународните организации.