Кои планираат или веќе започнале процес на воведување на систем за управување со квалитет да конкурираат за доделување на финансиска и стручна помош за успешна реализација на процесот. Финансиската поддршка се однесува на рефундирање на 50% од трошоците за подготовка на сертификацијата (консултации и обука) и издавањето на сертификатот (трошоци за спроведување на проверката за сертификацијата) до максимален износ од 10.000 €. Рефундирањето се доделува по успешното завршување на процесот и добивањето на сертификатот, а се однесува само на реалните трошоци за реализација и добивање на сертификатот, не вклучувајќи ги трошоците за работна сила  и набавка на опрема.

Конкурсот е отворен за сите мали и средни претпријатија до 100 вработени во приватна сопственост или претпријатија во кои поголемиот дел е приватен капитал, и кои работат најмалку 2 години. Претпријатијата кои се од областа на тутунската индустрија, производство на воена опрема и игри на среќа не може да конкурираат за доделување на донацијата.Претпријатијата имаат целосна слобода сами да ги изберат консултантските агенции за подготовка и сертификационото тело. Сертификационите тела мораат да бидат регистрирани и овластени за издавање на сертификатите кои се признаени од Европската Унија.

Канцеларијата на БСЦ Битола има листа на консултантски агенции и сертификациони тела во регионот и по потреба може да им помогне на заинтересираните претпријатија во изборот на истите.

БСЦ Битола помага при рефундирањето за воведување на следните стандарди:

• ISO  9001
• ISO  14001
• OHSAS 18001
• HACCP
• CE

Пријавата за аплицирање може да ја превземете ТУКА и да ја доставите на Оваа адреса на е-пошта е зашититена од спем-ботови, потребно е да го вклучите Javascript-от за да ја погледнете или истата може да се подигне од просториите на БСЦ Битола (Технички факултет-Битола, Ул.Иво Лола Рибар бб). Конкурсот е отворен без временско ограничување, но со ограничен број на претпријатија во согласност со буџетот на проектот. Претпријатијата ќе се бираат и ќе се одобрува финансиската поддршка по редоследот на пријавување. Изборот за доделување на финансиска помош ќе го врши БСЦ Битола, а конечното одобрување го дава менаџментот на организацијата од Амстердам. Со избраните претпријатија ќе се склучи Договор за реализација и користење на донацијата. Рокот за завршување на акредитацијата е 18 месеци од датумот на потпишувањето на Договорот.