Колку изнесуваат трошоците за учество на тренинзите за
Бизнис предавањата?
Учеството, материјалите и сите останати трошоци за
Тренинзите за Бизнис предавањата се бесплатни т.е. ги сноси организаторот – BSC
Bitola.
Кои се тренери на Бизнис предавањата?
Тренери се домашни експерти од областа во која се
појавуваат како обучувачи.
Зошто е важно да присуствувам на тренинзите?
Тренинзите се одлична можност за подобрување на Вашите
бизнис вештини. За
посетуваните тренинзи стекнувате сертификат, кој е признат,
а со успешно
завршување на тренинзите ги зголемувате Вашите шанси за победа на
Бизнис план натпреварот.
Дали мора да присуствувам на сите 8 тренинг модули?
Не. Со тоа што пристапот на модулите е практичен и
ориентиран според потребите
за Вашите бизнис идеи, Вие сами ги избирате
модулите кои ви ги нудиме.
Колкаво знаење е потребно за да се посетуваат Бизнис
предавањата?
Не многу. Тренинзите се замислени, така што секој кој има
претприемачки дух да
може да ги прати тренинзите и да стекне или да ги унапреди
своите бизнис вештини.
На кој јазик ќе се одржуваат тренинзите за Бизнис
предавањата/Бизнис план натпреварот?
Официјален јазик на обуките за Бизнис вештини и Бизнис план натпреварот е
македонски јазик.
Што се случува со бизнис идеите кои нема да бидат избрани
за Бизнис план натпреварот (прв круг)?
Сите идеи, односно апликанти кои нема да бидат избрани за
Бизнис план натпреварот влегуваат
во нашата база на податоци и автоматски се
стекнуваат со право за учество во следниот
тренинг блок за Бизнис предавањата
(3 блока годишно).
Како се одлучува кој ќе учествува на Бизнис план
натпреварот?
Одлуката се донесува објективно, неутрално, а тајноста е
гарантирана.
Дали морам да оснивам бизнис кој ќе се однесува на
подрачјето на град Битола, односно дали морам своите простории да ги отворам во
Бизнис инкубаторот во Битола?
Не. BSC Bitola делува
во рамки на подрачјето каде што делува Универзитетот “Св.Климент
Охридски-Битола“. Канцеларискиот простор е наменет за бизнисите на кои им е
потребен. Целокупната изработка на Вашиот бизнис план ќе биде насочена спрема
потреби на
Вашиот Бизнис план.
Дали после успешно завршување на Бизнис предавањата,
задолжително морам да учествувам на Бизнис план натпреварот?
Не. Идејата на тренинзите е да се подобрат бизнис
вештините и да се развие идеја за апликацијата за Бизнис идеја. После успешно
завршените бизнис предавања и на основа на стекнатите вештини апликантите
одлучуваат дали ќе учествуваат на натпреварот. Не е задолжително учеството на бизнис план натпреварот.
Дали за учество на Бизнис план натпреварот е предуслов
завршениот тренинг?
Не. Но со учество на тренингот стекнувате вештини кои Ви
овозможуваат да изработите Бизнис план, кој ги исполнува сите предуслови за
победа на Бизнис план натпреварот.
Кој одлучува за победниците на Бизнис план натпреварот?
За победниците одлучува тим на експерти за кои најбитен
предуслов и критериум за донесување на одлуката претставува – успехот на
победникот на пазарот.
|
ЧПП 
